Островот ЕИГ во Шкотска е првиот остров во светот што се напојува единствено од обновлива енергија уште од 2008 година.
Пред 2008 година островот од 19 км2 кој е 24 км оддалечен од копното, ја добиваше сета своја енергија од гласни и миризливи дизел генератори.
105-те жители на островот одлучија системот да го префрлат на обновлива енергија, во комбинација на ветер, хидро и соларна енергија, пренесена во високонапонска подземна мрежа која ја напојува целата заедница – домови и бизниси.
Оттогаш доаѓаат разни истражувачи од целиот свет за да откријат дали моделот на островот може да се зголеми за да одговара и на други места.
Во просек снабдувањето со обновлива енергија е до 95%, додека другите 5% ги добиваат од резервните генератори.
Имаат 4 ветерни турбини монтирани на карпа на врвот од островот, кои внесуваат 24 kW во подземната мрежа.
Иако Шкотска е позната по ветровитото време, турбините не се секогаш во можност да функционираат со полн капацитет, па поради тоа тие имаат на располагање дополнителни уште 2 други системи.
На северниот дел од островот се инсталирани фотоволтаични панели со капацитет од 50 kW, кои во текот на годината поради скоро константното облачно време обезбедуваат само околу 9.5% од потребната енергија, која е најефикасна во мај, јуни и јули.
Сепак тие неколку ефективни часови преку денот се доволни за да ги наполнат батериите кои ги користат во ноќните часови за време на овие месеци.
Третата и последна компонента на овој систем за обновлива енергија се трите хидроелектрични генератори кои создаваат енергија од проточната вода од блиските извори.
Тоа е огромен извор на енергија за островот во текот на зимските месеци.
Водата што паѓа со пад од 330 м ја користат трите генератори со вкупна моќ од 110 kW.
На располагање како резервна алтернатива ги користат двата генератори од 80 kW за полнење на батериите и обезбедување на енергија кога времето не дозволува енергија од ниту еден од системите.
Системот е управуван од луѓето на островот, од кои никој од нив нема електро квалификации.
Некои од најголемите светски иновации се создадени случајно, а ова можеби е најновото што ќе се додаде на таа листа. Студентка на Универзитетот во Калифорнија во Ирвин случајно открила батерија на полнење која може да Read more…
Хемиски инженери од École polytechnique fédérale de Lozanne (EPFL) развија транспарентна, порозна и спроводлива електрода на соларна енергија, која користи влезен проток на влажен воздух за производство на H2. Подлогата на електродата е тродимензионална мрежа Read more…
Европската вселенска агенција (ESA) преку проектот SOLARIS ги истражува сите иновативни технологии кои можат да се користат за примена на сончевата вселенска енергија во пракса, односно безжично пренесување на која било област на Земјата. Еден Read more…
0 Comments