Новите згради во Берлин ќе мора да имаат покривни соларни системи од 2023 година
![](https://portal.efixelectrical.com.mk/wp-content/uploads/2021/07/berlin-01.jpg)
Државниот парламент на Берлин усвои закон со кој се воведува обврска за инсталирање на фотоволтаични системи за сопствениците на сите нови приватни згради и оние чии покриви ќе бидат реконструирани. Регулативата стапува на сила од почетокот на 2023 година.
![](https://portal.efixelectrical.com.mk/wp-content/uploads/2021/07/berlin-02-300x149.jpg)
По повеќемесечни преговори, Претставничкиот дом во Берлин усвои регулатива со која се отвора патот да достигне учество на сончевата енергија во потрошувачката на електрична енергија од 25 проценти што е можно поскоро. Од 2023 година, фотонапонските системи ќе треба да опфаќаат најмалку 30 проценти од површината на сите нови згради со корисна површина од над 50 квадратни метри.
![](https://portal.efixelectrical.com.mk/wp-content/uploads/2021/07/berlin-03-300x200.jpg)
Локалните власти исто така работат на ставање крај на употребата на тврд јаглен најдоцна до 2030 година, додека лигнитот беше отфрлен уште во 2017 година.
Новиот стандард за станбени згради е најмалку два киловати за едно или две домаќинства, три киловати за три до пет единици и шест киловати за шест до десет станови. Законот исто така опфаќа и нерезиденцијални згради.
![](https://portal.efixelectrical.com.mk/wp-content/uploads/2021/07/berlin-04-300x200.jpg)
Наместо фотоволтаични кровни системи, ќе биде можно да се инсталираат соларни термални панели или да се инсталираат соларни панели за производство на електрична енергија на фасадата, а одобрено е исклучување на историски градби каде што ваков проект е технички неизводлив, како и покриви со ориентација кон север.
Неодамна донесените регулативи вклучуваат казни од 5.000 до 25.000 евра за станбени и до 50.000 за нерезиденцијални згради.
![](https://portal.efixelectrical.com.mk/wp-content/uploads/2021/07/berlin-05-300x150.jpg)
Консултација, Проектирање, Изведба и Одржување на Соларни Системи
Контакт: 075 480 380
0 Comments