Кога целта ги оправдува средствата

Француската компанија Селеват и инженерската компанија Мекојит, градат нов соларен парк од 250 kW во југозападна Франција. 746 соларни панели се инсталираат на структура од 600 парчиња сурово дабово дрво обезбедено од околните шуми, за да се промовира локалното вработување и регионалниот природен ресурс.

Ова е првиот познат досега пример во светот на соларна централа со нетретирана, непреработена дрвена подлога, која може да се сечи онолку колку е точно потребно за да на нерамниот терен се добие бараниот агол и азимут према траекторијата на сонцето.

Проектот се гради без јавна подршка и ќе се продава струја на француската енергетска фирма Енеркоп по цена од 0.08 евра/kWh.

Стабилноста на панелите ќе се проверува на секои три години со визуелна проверка на отпорноста на дрвото, а генерален ремонт ќе се изврши за време на десетгодишното одржување.