Иднината на современото градинарство

Напредокот во транспарентните соларни ќелии значи дека наскоро можеби ќе можеме да ги инсталираме во прозорци и пластеници. Но, во вториот случај, дали тие ќе ги лишат растенијата од виталнатa сончева светлина?

За да откријат, истражувачите од Државниот универзитет во Северна Каролина одгледувале зелена салата под различни бранови должини на светлината и откриле дека растенијата добро се снаоѓаат.

Органските соларни ќелии се појавуваат како одржлив систем за обновлива енергија, благодарение на голем број предности. Тие можат да бидат пофлексибилни од другите технологии, да се направат транспарентни или полутранспарентни, а брановите должини на светлината може да се прилагоди.

Овие органски соларни ќелии би можеле да фаќаат одредени бранови должини на светлината, а сепак да дозволат дел од нив да помине низ растенијата под нив.

Истражувачите одгледувале зелена салата од црвени лисја во пластеници 30 дена, која што успеала да достигне до целосна зрелост.

Различните групи на зеленчуци беа изложени на исти услови на растење, како што се температура, вода, ѓубриво и концентрација на СО2, но единствената мала разлика при развојот беше само поради различноста од брановата должина на светлината.

Потоа, тимот следеше неколку знаци на здравјето на растенијата, вклучително и бројот и големината на лисјата, тежината, колку CO2 апсорбираат и нивото на антиоксиданти што ги содржат. И можеби изненадувачки, излегува дека марулите напредувале, без оглед на тоа каков вид на светлина добиле.

„Не само што не најдовме значајна разлика помеѓу контролната група и експерименталните групи, туку и не најдовме некоја значајна разлика помеѓу различните филтри“, вели Брендан О’Конор, автор на студијата.