Грчкиот остров Тилос се обновува, добива посигурна електрична енергија

Оддалечениот грчки остров Тилос е дом на тивки плажи, живописни села и историски цркви, без валкани електрани што горат фосилни горива. Така, до неодамна, Тилос увезуваше најголем дел од својата енергија.

Димитрис Зафиракис од Универзитетот во Западна Атика вели дека електричната енергија ја добивале од дизел централата на островот Кос преку подводен кабел.

„Таа енергија од Кос беше пренесувана до островот Нисирос… и потоа од Нисирос до островот Тилос“, вели тој.

Затемнувањето и исклучувањето од мрежата беше вообичаена ситуација, особено во летната туристичка сезона, кога побарувачката за електрична енергија беше голема.

Така, во 2017 година, Тилос инсталираше нов енергетски систем напојуван од локално генерирани обновливи извори.

Зафиракис го координираше проектот, кој беше финансиран од Европската унија.

Системот вклучува турбина на ветер, соларен систем и две големи батерии кои можат да складираат вишок енергија за време кога таа е потребна.

Системот во просек обезбедува 60-70% од моќноста на островот, а во зимскиот период, таа генерира вишок енергија што се пренесува назад на другите острови.

Зафиракис вели дека тоа го покажува потенцијалот на овој пристап. Обновливите извори и складирањето батерии може да им помогнат на другите оддалечени заедници да обезбедат независно и сигурно снабдување со енергија.

Консултација, Проектирање, Изведба и Одржување на Соларни Системи

Контакт: 075 480 380

zmitreski@efixelectrical.com.mk