Додека ние размислуваме, другите си реализираат

Германската државна агенција за енергетски мрежи Bundesnetzagentur, објави дека до декември 2020 година се инсталирани нов капацитет од 525 MW фотоволтаични системи.

Системите генерално се со единечна моќ која не надминува 750 kW.

За споредба, новоинсталираниот PV капацитет во декември 2019 година беше 339.4 MW, во 2018 година 296 MW и 175 MW за 2017 година соодветно.

Како резултат на силниот раст регистриран во изминатите месеци тарифите се намалуваат за 1.4%, со што цените ќе се движат од 0.0804 – 0.0553 евра/kWh, во зависност од големината на системот.

Со неодамнешната реформа на Erneuerbare-Energien-Gesetz (ЕЕG) стапи на сила нов механизам за дегресија FIT. Овие нови одредби се однесуваат за сопствениците на PV системи од 300 – 750 kW на кои им се понудени две различни опции: градење на нивните соларни проекти според тендерската шема за исклучива продажба во енергетската мрежа без да им биде дозволено користење на таа енергија за свои потреби, а другата опција која е за системи до 300 kW, кои се дизајнирани и градени исклучиво само за своите потреби на инвеститорите, а само мал процент во вид на вишок, да биде продаден во енергетската мрежа.