Автопат за безжично полнење на електрични возила

Published by Zoran Mitreski on

Одделот за транспорт во Индијана (INDOT), Универзитетот „Пурдју“ и германскиот стартап „Магмент ГмбХ“ ги објавија плановите за развој на првиот светски сегмент за безконтактно безжично полнење на електрични возила. Проектот ќе користи иновативен магнетизиран бетон, овозможувајќи безжично полнење на електричните возила додека возат.
Проектот ќе напредува во три основни фази. Двете први фази ќе опфаќаат тестирање на тротоари, анализа и истражување за оптимизација спроведено од Заедничката програма за истражување на транспортот (JTRP) во кампусот на Purdue’s West Lafayette. Во третата фаза, INDOT ќе изгради испитна патека долга околу 300 метри на локација што допрва треба да се утврди. Таму, инженерите ќе го тестираат капацитетот на иновативниот бетон за полнење на тешки товарни возила со голема моќност (200 киловати и повеќе).
Откако успешно ќе заврши тестирањето на сите три фази, ИНДОТ ќе ја искористи новата технологија за електрификација на сеуште неодредениот сегмент на меѓународниот автопат во Индијана.
„Овој вид на транспорт е во голема трансформација што не е доживеана од пронаоѓањето на автомобилот“, рече Надја Гкрица, професор по градежништво и земјоделско-биолошко инженерство и директор на кампусот АСПИРЕ на Универзитетот Пурдју.
Овој проект е вистински чекор напред кон иднината на динамичното безжично полнење, што несомнено ќе ги постави стандардите за достапна, одржлива и ефикасна електрификација во транспортот“.
Проектот се очекува да започне подоцна летово. Сепак, сè уште останува нејасно какви техники инженерите планираат да користат за да генерираат доволно енергија за електрични возила, бидејќи во овој момент не се дадени многу информации за проектот. Но, едно е сигурно, новата технологија доколку успее – ќе биде револуционерна.
Консултација, Проектирање, Изведба и Одржување на Соларни Системи
Контакт: 075 480 380
zmitreski@efixelectrical.com.mk
Categories: Сите

0 Comments

Напишете коментар

Avatar placeholder

Вашата адреса за е-пошта нема да биде објавена. Задолжителните полиња се означени со *

%d bloggers like this: