Нови 102 електрични автобуси во Осло

Најголемата флота со електрични автобуси што ја снабдува VDL Bus & Coach ќе се движи низ патиштата во Осло со нови 102 електрични автобуси од јануари 2022 година.

До 2028 година, јавниот превоз мора да биде целосно ослободен од емисии, а до 2030 година има за цел да биде град без емисии на стакленички гасови создавани од фосилните горива.

„Ние сме подготвени да го искористиме нашето знаење и искуство како европски фаворит во електричниот јавен превоз за да придонесеме во амбициозните климатски цели на Осло“, вели Френк Рајхел, управен директор VDL Bus & Coach Norway. „Нашите 40 електрични Citeas кои веќе работат во Осло и 8-те Citeas Electric што се користат како шатл-автобуси на аеродромот Авинор Осло, веќе поминаа скоро 2 милиони електрични километри. Исклучително сме горди што најголемата флота за е-автобуси во Норвешка ќе се состои скоро целосно од автобуси VDL.

Ова е уште еден доказ дека нашата стратегија за проактивно приближување кон пазарот во Норвешка е успешна “.

Операцијата во Осло ќе ја спроведува Норгесбус од 9 јануари 2022 година. 83 VDL-Citeas SLFA-180 Electric се опремени со пантограф поставен на покрив, а 19 Citeas SLF-120 Electric имаат точка за полнење CCS. Електричните автобуси главно ќе се полнат во депото.

Автобусите ќе сообраќаат јужно од Осло, во окрузите Сандре Нордстранд, Нордстранд и делови од Нордре Фоло. Некои возила ќе се користат 24/7.

Осло, европската зелена престолнина ги има најефикасните климатски и еколошки мерки во Европа, при што меѓу другите мерки во моментов 10% од 1.200 градски автобуси наменети за градски превоз се електрични а од 2023 година сите такси возила ќе мора да имаат нула емисија на штетни гасови.